बुटवल । कोरोना संक्रमणबाट बुटवलमा २ जनाको मृत्यु भएको छ ।
कोरोना संक्रमणका कारण बुटवलस्थित कोरोना विशेष (अस्थायी) अस्पतालमा उपचाररत २ जनाको मृत्यु भएको हो ।
संक्रमणबाट कपिलवस्तु बाणगंगा नगरपालिका-३ का ७९ वर्षीय पुरुष र रुपन्देहीको तिलोत्तमा-१ की ७१ वर्षीया महिलाको मृत्यु भएको लुम्बिनी प्रादेशिक अस्पतालका प्रवक्ता डा.विष्णु गौतमले जानकारी दिए ।
उनका अनुसार गत चैत २७ गते पीसीआर रिपोर्ट पोजिटिभ आएपछि अस्पतालमा भर्ना गरिएका कपिलवस्तुका पुरुषको आज बिहान ७:१४ बजे मृत्यु भएको हो भने चैत २३ गते भर्ना भएकी तिलोत्तमाकी महिलाको बिहान ७ बजेर २५ मिनेटमा मृत्यु भएको हो ।
दुवै जनामा निमोनियाको समस्या रहेको गौतमले जानकारी दिए ।
प्रतिक्रिया