संक्रमितलाई भेट्न बुटवलका मेयर फेरि घरदैलोमा

बुटवल । कोरोना भाइरसले पुनः महामारीको रुप लिन थालेपछि बुटवल उपमहानगरका नगर प्रमुख सहितको जन प्रतिनिधिहरुले संक्रमितहरुको घरदैलो पुगेर हौसला बढाउने कार्यलाई निरन्तरता दिएका छन् ।

बुटवल उपमहानगरबाट सुरु गरिएको संक्रमितको घरघरमा जन प्रतिनिधि अभियानलाई दोस्रो चरणमा निरन्तरता दिंदै आज उपमहानगर प्रमुख शिवराज सुबेदी सहितको टोलि आज पिसपार्क स्थित ब्रम्हकुमारी राज योग केन्द्रका संक्रमित ब्रम्हकुमारीहरुलाई भेटन पुगेका थिए । नगर प्रमुख सुबेदी, प्रैमुख प्रशासकिय अधिकृत चक्रपाणी शर्मा सहतिको टोलिले संक्रमित ब्रम्हकुमारीहरुलाई भेटेर आयुवेर्दीक औषधी सहित प्रतिरोधात्मक शक्ति बढाउने औषधी समेत बितरण गरेका थिए ।

मेयरसँगै सोमबारको घरदैलोमा वडाअध्यक्ष दुर्गा सुवेदी र बुटवल उपमहानगरका शिक्षा, जनसंख्या र स्वास्थ्य महाशाखाका प्रमुख मित्रमणी खनाल र स्वास्थ्यकर्मी सहभागी रहेका थिए । पिसपार्कमा छ जना ब्रम्हकुमारीहरु आइसोलेशनमा रहेका छन् । यसै साता भारत भ्रमणमा जाँदा उनीहरुलाई संक्रमण भएको थियो ।