बुटवल । लुम्बिनी प्रदेशसभामा रहेका नेकपा एमालेका अर्का एक सांसदले राजीनामा दिएका छन् ।
दाङको निर्वाचन क्षेत्र नम्बर २ (ख) बाट निर्वाचित प्रदेशसभा सांसद अमरबहादुर डाँगी क्षेत्रीले बुधबार सभामुखलाई राजीनामा पत्र बुझाएका छन् । डाँगीले राजनीनामा पत्र बुझाएको प्रदेसभा सचिव दुर्लभकुमार पुनले बताएका छन् । डाँगीको राजीनामालाई संविधानको धारा १८० (क) बमोजिम सभामुखले स्वीकृतिको प्रक्रियामा लगेका छन् ।
डाँगीले एमालेबाट राजीनामा दिएसँगै नेकपा माओवादी केन्द्रमा प्रवेश गर्ने योजना बनाउका छन् । यसअघि एमालेबाटै निर्वाचित कपिलवस्तुका दृघनारायण पाण्डेले राजीनामा दिइसकेका छन् । उनलाई विपक्षी दलहरुले राष्ट्रिय सभाको साझा उम्मेदवार बनाउने निर्णय गरेका छन् ।
यस्तै, दाङ क्षेत्र नम्बर ३ (ख) बाट तत्कालिन नेकपा पार्टीबाट निर्वाचित विमला खत्री वली माओवादी केन्द्रमा प्रवेश गरिसकेकी छिन् । डाँगीले राजीनामा दिएसँगै एमालेको प्रदेसभा सदस्य संख्या ३८ मा झरेको छ ।
सरकार टिकाउनकै लागि लुम्बिनी प्रदेशका मुख्यमन्त्री शंकर पोखरेलले जम्बो मन्त्रिपण्डल बनाईरहेका बेला पोखरेलकै गृह जिल्लाका एमाले सांसदहरुले भने पोखरेलको साथ छाड्दै गएका छन् ।
प्रतिक्रिया