परासी । पश्चिम नवलपरासीको भारतीय सीमावर्ती नाकामा सशस्त्र प्रहरीले चलाएको गोली लागेर घाईते भएका युवाको मृत्यु भएको छ । सशस्त्र प्रहरीको गोली लागेर गम्भिर घाईते भएका प्रतापपुर गाउँपालिका वडा नं. ६ कठहवाका २२ वर्षीय अविनाश रायको थप उपचारका लागि बुटवल लैजाने क्रममा बाटैमा मृत्यु भएको हो ।
उनको स्थानीय सहिद स्मृति अस्पताल चौपातामा उपचार हुन नसकेपछि बुटवल सिटी अस्पतालमा ल्याउँदैगर्दा बाटोमा नै मृत्यु भएको प्रहरीले जनाएको छ ।
भारतीय सीमा क्षेत्रको सुस्ता गाउँपालिका–५ स्थित नथुई नाका (वनकट्टी) मा भएको भिड नियन्त्रण गर्न प्रहरीले गोली चलाएको हो ।
स्थानीय ४ जना युवाहरु भारततर्फ जान आएका स्थानीयलाई नाकामा खटिएका सशस्त्र प्रहरी रोक्न खोज्दा उनीहरुले गाँउलेहरुलाई बोलाएर शसस्त्र प्रहरीमाथि आक्रमण गरेको शसस्त्र प्रहरी बल नेपाल नम्बर २६ गण पश्चिम नवलपरासीले जनाएको छ । ठूलो समूहमा आएका गाँउलेले प्रहरीमाथि ढुंगामुढा गरको र भिड नियन्त्रण गर्न गोली चलाउनु परेको सशस्त्र प्रहरी बल नेपाल नं २६ गण हेडक्वाटर पश्चिम नवलपरासीका उपरीक्षक महेश अधिकारीले बताएका छन् ।
भीडले आक्रमण गर्दा नाकामा खटिएका सशस्त्र प्रहरी नायब निरक्षक शंकर बुढाथोकी सहित अन्य ६ जना सशस्त्र प्रहरी घाइते भएका छन् । घाइते बुढाथोकीको टाउकोमा चोट लागेको सशस्त्र प्रहरीले जनाएको छ ।
प्रतिक्रिया