कोरोना विशेष अस्पताल बुटवलमा थप ४ जना संक्रमितको मृत्यु

बुटवल । बुटवल स्थित लुम्बिनी प्रादेशिक अस्पतालमा उपचाररत थप ४ जना कोरोना संक्रमितको मृत्यु भएको छ । लुम्बिनी प्रादेशिक अस्पतालले संचालन गरेको कोरोना विशेष अस्पताल धागोकारखानामा उपचारका क्रममा ४ जनाको मृत्यु भएको अस्पतालले जनाएको छ ।

अस्पतालका प्रवक्ता डा. बिष्णु गौतमले दिएको जानकारी अनुसार शुक्रबार अस्पताल भर्ना भएका तिलोत्तमा २ का ७१ वर्षिय पुरुषको आज बिहान ९ः१५ मा मृत्यु भएको थियो भने बैशाख २७ गते अस्पताल भर्ना भएका दरबार देबिस्थान ५ गुल्मीका ४२ वर्षिय पुरुषको आज दिउँसो २ः१५ बजे मृत्यु भएको थियो । त्यसैगरि जेठ २ गते भर्ना भएकी बुटवल ११ की ६१ वर्षिया महिलाको साँझ ५ः२० बजे मृत्यु भएको थियो भने आजै अस्पताल भर्ना भएका सियारी ५ रुपन्देहीकी ५६ वर्षिया महिलाको ५ः४५ बजे मृत्यु भएको प्रवक्ता डा. गौतमले बताए ।

प्रादेशिक अस्पतालमा आज बिहान पनि ३ जनाको मृत्यु भएको थियो । आज मृत्यु भएसँगै रुपन्देहीमा मृत्यु हुनेको संख्या ३९१ पुगेको छ ।