काठमाडौं । कोरोना महामारी एवं लकडाउनका बाबजुद पाकिस्तानको आर्थिक वृद्धिदर सोचेभन्दा बढी भएको छ ।
पाकिस्तानको नेशनल अकाउन्टस् कमिटीका अनुसार चालु आर्थिक वर्षमा पाकिस्तानको अर्थव्यवस्था ३.९४ प्रतिशतले वृद्धि भैरहेको छ ।
यो वृद्धि स्वयं पाकिस्तान सरकार, आईएमए र वर्ल्ड बैंकको प्रक्षेपण भन्दा बढी हो । पाकिस्तान सरकाले यस आर्थिक वर्षको सुरुवातमा २.१ प्रतिशत आर्थिक वृद्धि हुने अनुमान गरेको थियो ।
यस्तै, आइएमएफले २.० र वर्ल्ड बैंकले १.५ प्रतिशतमा आर्थिकवृद्धि सीमित हुने प्रक्षेपण गरेका थिए ।
अघिल्लो आर्थिक वर्षमा जम्मा ०.४७ प्रतिशतको वृद्धिदर रहेकोमा यसवर्ष ३.९४ प्रतिशत पुगेको हो ।
प्रधानमन्त्री इमरान खानले आर्थिवृद्धि दर बढेको खुशी व्यक्त गरेका छन् । प्रधानमन्त्री खानले सरकारको राम्रो आर्थिक नीतिका कारण नै कोरोना महामारीका बावजुद आर्थिक वृद्धिदर हुनसकेको जनाएका छन् ।
National Accounts Committee has finalized GDP growth estimate & GDP growth is estimated at 3.94%.This reflects the success of our govt's economic policies while managing COVID 19 pandemic. Our V-shaped recovery is balanced between 3 major sectors: agriculture, industry & services
— Imran Khan (@ImranKhanPTI) May 21, 2021
यस्तै पाकिस्तानका योजनामन्त्री असद उमरले आर्थिक वृद्धिदर राम्रो हुनुलाई इमरान खान नेतृत्वको सरकारको सफललताको प्रमाण भएको टिप्पणी गरेका छन् । योजनामन्त्री उमरका अनुसार यस आर्थिवृद्धि दरले पाकिस्तानी नागरिकको प्रतिव्यक्ति आय १,३६१ डलरबाट बढेर १,५४१ डलर भएको जनाएका छन् ।
यसआर्थिक वर्षमा पाकिस्तानको निर्यात व्यापार बढेको छ भने व्यापार घाटा घटेको छ ।
प्रतिक्रिया