निषेधाज्ञा र सीमामा कडाईले रोकेन लागु औषधको कारोवार, कञ्चनपुरमा ठुलो परिमाणमा लागु औषध फेला

खबर कुरा
२३ जेष्ठ २०७८, आईतवार

महेन्द्रनगर । जिल्लामा निषेधाज्ञा र सीमानाकामा प्रशासनका कडाई भएपनि नेपाल भारत सीमाको कञ्चनपुरमा लागु औषधको कारोबरमा कमी आउन सकेको छैन । प्रहरीले हरेकदिन जसो सानो परिमाणको लागु औषध र त्यसको सेवनकर्ताहरुलाई पक्राउ गर्दै लागु औषध बरामद गरेपनि मुख्य सप्लायर्श सम्म भने प्रहरी पुग्न सकेको छैन ।

लागु औषध कारोवारमा केहि नेपाली युवाहरु सहित भारतीयहरुको पनि संलग्नता रहेको छ । बन्द बार्डरमा खुल्लेआम भारतबाट आएर नेपालीहरुलाई ब्राउन सुगर बेच्ने एक भारतीयलाई भने कञ्चनपुर प्रहरीले पक्राउ गरेको छ । कञ्चनपुर दोधारा(चाँदनी १ पक्कीपुल नजिकै मोटरसाईकलमा सवार जिल्ला चम्फावत भजनपुर ग्राम बस्ने बर्ष २१ को अमन चन्दलाई खैरो हेरोईन सहित प्रहरीले पक्राउ गरेको छ । चन्दसँग ११ ग्राम ८७ मिलीग्राम खैरो हेरोईन बरामद भएको प्रहरीले जनाएको छ ।

सोही दिन दोधारा(चाँदनी ९ बुद्धनगरबाट स्थानीय आदिप मगर र सार्थक शर्मालाई पनि ६० मिलीग्राम खैरो हेरोईन सहित पक्राउ गरेको थियो । उनीहरुले सो हेरोईन पक्राउ परेका भारतीय नागरिक चन्दबाट खरिद गरेको प्रहरीले आशंका गरेको छ ।

पक्राउ परेकाहरुलाई लागु औषध ओसार पसार तथा बिक्रिको कसुरमा मुद्दा चलाई अनुसन्धान भईरहेको कञ्चनपुर प्रहरी प्रवक्ता डीएसपी अमरबहादुर थापा क्षेत्रीले बताए ।

यसमा तपाइको मत

Your email address will not be published. Required fields are marked *


*