तनहुँको बन्दीपुरमा पहिरोमा परी दुईजनाको मृत्यु, पाँच घर पुरियो

तनहुँ । तनहुँको बन्दीपुर ३ तामुङ गाउँमा पहिरोले पुर्दा दुई जनाको घटनास्थलमै मृ्रत्यु भएको छ ।

पहिरोमा परी एक गम्भीरसहित तीन जना घाइते भएको प्रहरीले जनाएको छ । पहिरोबाट तामुङका करिब ३० वर्षीया सरस्वती थापा र ७० वर्षीया हरिमाया बसेलको निधन भएको हो । घर माथिबाट झरेको पहिरोले पाँच घर पुरेको छ ।

मृत्यु हुनेमा करिब ७० वर्षीया हरिमाया बसेल र करिब ३० वर्षीया सरस्वती थापा रहेका छन् । गएराती खसेको पहिरोमा बेपत्ता भएका उनीहरुको शव भेटिएको बन्दीपुर गाउँपालिकाका अध्यक्ष पूर्णसिंह थापाले जानकारी दिए ।

पहिरोका कारण घर पुरिएपछि स्थानीय बिस्थापित भएका छन् । उद्धारको प्रयास भैरहेको अध्यक्ष थापाले जानकारी दिए ।