काठमाडौं । प्रधानमन्त्री शेरबहादुर देउवालाई छिमेकी मित्रराष्ट्र भारतका राजदूतले बधाई दिएका छन्।
भारतीय राजदूत विनयमोहन क्वात्राले बुधरबार प्रधानमन्त्री देउवालाई भेटेर बधाई दिएका हुन् । देउवा भेट्न राजदूत क्वत्रा बिहान साढे १० बजे बुढानिलकण्ठ पुगेका थिए ।
त्यसक्रममा क्वत्राले भारत र नेपालबीचको मित्रताको चर्चा गर्दै देउवासँग थप मिलेर काम गर्न भारत तयार भएको बताएका थिए । क्वत्राले साझा प्रगति र समृद्धिका लागि भारत र नेपालबीच रहँदै आएको बहुआयामिक सम्बनधलाई थप गाढा बनाउन देउवासँग मिलेर काम गर्न तत्पर भएको बताएका थिए ।
Honoured to call on @DeubaSherbdr; extended congratulations and best wishes on becoming PM of Nepal. Looking forward to working with his team to deepen the multifaceted India-Nepal partnership and people-to-people ties for common progress and prosperity.
@MEAIndia@PMOIndia pic.twitter.com/zKxzLJcG1C— IndiaInNepal (@IndiaInNepal) July 14, 2021
यसअघि देउवाले सपथ लिँदासाथ सामाजिक सञ्जालबाट बधाई दिएका अमेरिकी राजदूत र्यान्डी बेरीले मंगलबार राति नै फोन गरेर कार्यकाल सफलताको शुभकामना दिएका थिए ।
प्रतिक्रिया