बिभिन्न अपराधमा १५ वर्ष बढी कैद र ६२ लाख बढी जरिवानामा परेका ५ फरार कसुरदार रुपन्देही प्रहरीबाट पक्राउ

बुटवल । रुपन्देही प्रहरीले बिभिन्न अपराधिक घटना घटाएर फरार भएकाहरुलाई पक्राउ गर्ने अभियानलाई तिब्र पारेको छ । अदालत तथा जिल्ला प्रशासनमा मुद्दा हारेपछि फरार रहेकाहरुलाई प्रहरीले फरार अप्रेशन अभियान (एफओपी) संचालन गरेर खोज्ने र सजाँय दिलाउने काम गर्दै आएको जिल्ला प्रहरी कार्यालय रुपन्देहीले जनाएको छ । प्रहरीका अनुसार गत बैशाख यता प्रहरीले २२ जना फरार अपराधीहरुलाई नियन्त्रणमा लिएर सम्बन्धित निकयमा बुझाएको छ ।

फरार अपराधी खोज्ने क्रममा बिहिबार प्रहरीलाई थप सफलता मिलेको छ । बिभिन्न कसुरमा लामो समय देखि फरार रहेका ५ जना कसुरदारलाई रुपन्देही प्रहरीले पक्राउ गर्न सफल भएको हो । प्रहरीको एसओपी अभियानबाट बिहिबार फरक फरक मुद्दामा १५ वर्ष ३० दिन सजाँय तथा ६२ लाख ५ हजार जरिवाना तोकिएका ५ जनालाई पक्राउ गरिउको रुपन्देही प्रहरी प्रवक्ता सत्यनारायण थापाले जानकारी दिए ।

डीएसपी थापकाका अनुसार जघन्य अपराधमा संलग्न भएका प्रतिवादीहरुलाई जिल्ला प्रहरी कार्यालय मातहतका वडा प्रहरी कार्यालय बुटवल रुपन्देहीबाट खटिएको प्रहरी टोलीले ३ दिनका बीचमा ५ जना प्रतिबादीलाई पक्राउ गरेको हो । पक्राउ पर्नेहरुमा रुपन्देही जिल्ला अदालतको मिति २०६७ असार ९ गतेको फैसलाले जवर्जस्ती करणी मुद्धामा १० बर्ष कैद तोकिए पछि फरार रहेका बुटवल उपमहानगरपालिका ४ का स्थायी बासिन्दा ५८ वर्षिय पुर्ण बहादुर पाण्डेलाई नवलपुर मध्यविन्दु १४ बाट पक्राउ गरिएको छ भने जिल्ला अदालतको मिति २०७७ माघ २८ गतेको फैसलाले बैंङकिङ कसुर मुद्धामा ५ दिन कैद र १२ लाख जरिवाना तोकिएका फरार प्रतिवादी पर्वत कार्कीनेटा ६ स्थायी ठेगाना भएका रुपन्देही बुटवल ८ बस्ने अशोक कुमार शर्मालाई पनि प्रहरीले पक्राउ गरेको छ ।

त्यसैगरी रुपन्देही जिल्ला अदालतकोमिति २०७६ फागुन १४ गतेको फैसलाले बैंङकिङ कसुर मुद्धामा १५ दिन कैदर १४ लाख जरिवाना तोकिएपछि फरार भएका तिलोत्तमा ५ रुपन्देहीका ४२ वर्षिय एक नारायण अर्याल तथा जिल्ला अदालतको मिति २०७६ पुस २३ गतेको फैसलाले बैंकिङ कसुर मुद्धामा १० दिन कैद र ३६ लाख जरिवाना तोकिएपछि फरार रहेका बुटवल १३ रुपन्देहीका ४६ वर्षिय शिव कुमार रणलाईपनि प्रहरीले पक्राउ गरेको छ ।

प्रहरीले रुपन्देही जिल्ला अदालतकै मिति २०६७ माघ ४ गतेको फैसलाले लागु औषध ब्राउन सुगरमुद्धामा ५ बर्ष कैद र ५ हजार जरिवानाको फैसला भएको फरार प्रतिवादी बुटवल १३ का विशन रानालाई पनि पक्राउ गरि अदालतमा बुझाईएको प्रहरी प्रवक्ता डीएसपी थापाले बताए ।