कपिलवस्तुबाट रेडपाण्डाको छाला सहित ३ जना पक्राउ

बुटवल । लुम्बिनी प्रदेश प्रहरी कार्यालयले प्रतिबन्धित रेडपाण्डाको छाला सहित ३ जनालाई पक्राउ गरेको छ । कपिलवस्तु जिल्लाको वाणगंगा ४ सिद्धपुरबाट रेडपाण्डाको छाला सहित ३ जना पक्राउ गरेका हुन् ।

पक्राउ पर्नेमा बिर्तामोड ५ स्थायी घर भएका २९ वर्षिय खगेन्द्र पुरी, ३२ वर्षिय आशिस जोगि र २६ वर्षिय सौरभ राजबंसी रहेका छन् । वाणगंगा ४ सिद्धिपुर स्थित बराल होटेलमा रेडपाण्डाको छाला कारोबार भई रहेको छ भन्ने गोप्य सूचनाको आधारमा लुमिबनी प्रदेश प्रहरी कार्यालयको विशेष टोलिले होटेल खानतलासी गर्ने क्रममा रेडपाण्डाको छाला २ थान, रेडपाण्डाको पुच्छर १ थान बरामद भएको प्रहरीले जनाएको छ ।

पक्राउ परेका ३ जनामाथि थप अनुसन्धान भईरहेको प्रदेश प्रहरी कार्यालयले जानकारी दिएको छ ।