बुटवल । लुम्बिनी प्रदेशका मुख्यमन्त्री कुलप्रसाद केसीले आजै विश्वासको मत लिने तयारी गरेका छन् ।
केसी मुख्यमन्त्रीमा नियुक्त भएसँगै प्रतिपक्ष भएको नेकपा एमालले दुई सदस्यलाई पदमुक्त गर्न दबाब दिँदै लगातार प्रदेश सभाको बैठक अवरुद्ध गर्दै आएपनि आज मार्सल लगाएर भएपनि विश्वासको मत लिने तयारी भएको बताईएको छ ।
माओवादी केन्द्रका सांसद सुदर्शन बरालले आजै विश्वासको मत लिने तयारी रहेको बताए । उनले भने, ‘अबको बैठकमा मुख्यमन्त्रीले विश्वासको मत लिने तयारी गरेका छौँ ।’ प्रदेशसभाले सबै तयारी पूरा गरेको स्रोतले दाबी गरेको छ । अहिले सत्तारुढ गठबन्धनको संसदीय दलको बैठक जारी छ ।
एमाले सांसद बैजनाथ चौधरीले विश्वासको मत लिने बारेमा आफूलाई कुनै जानकारी नभएको बताए । ‘बैठक अवरुद्ध भएपछि आधा घण्टाको लागि स्थगित भएको छ हामीलाई वार्ताका लागि पनि बोलाइएको छैन । यो बारे हामीलाई जानकारी छैन ।
यसअघि दुइ वटा बैठक अबरुद्व गरको एमालेले आज १ बजे बोलाइएको बैठक सुरु हुनासाथ नारबाजी गर्दै रोष्टम घेरेपछि छलफल र सहमतीको प्रयासकालागि भन्दै साढे २ बजे सम्मका लागि स्थगित गरीएको थियो ।
अब केही बेरमा सुरु हुने बैठकमा मुख्यमन्त्रीले विश्वासको मत लिने तयारी छ । एमालेले फेरी पनि सदन अवरुद्व गर्ने बताइरहेको छ ।
प्रतिक्रिया