काठमाडौं । प्रमुख विपक्षी नेकपा एमालेको अवरोध र नाराबाजीका बीच सभामुख अग्निप्रसाद सापकोटाले प्रतिनिधिसभा (संसद)को बैठक अघि बढाएका छन् ।
शुक्रबारको पहिलो बैठक एमाले सांसदहरुको नाराबाजीका कारण स्थगित भएकोमा दोस्रो बैठकमा पनि एमाले सांसदहरुले नाराबाजी गरेपछि सभामुखले संसदको कारबाही अगाडि बढाएका छन् ।
एमालेको नाब्बाजीका बीच सभामुखले नेपाल मजदुर किसान पार्टी (नेमकिपा)का सांसद प्रेम सुवाललाई अध्यादेश अस्वीकारको प्रस्ताव पेश गर्न समय दिएका छन् । सुवालले भने प्रतिपक्षको नाराबाजीका बीच यथास्थनबाट सूचना पेश नगर्ने अडान लिएका थिए । केहीबेर सुवाल र सभामुखबीच सवाल जवाफ भएपछि सभामुखले अर्थमन्त्री जनार्दन शर्मालाई आर्थिक अध्यादेश पेश गर्न समय दिएका थिए ।
नाराबाजी गरिरहेका एमाले सांसदहरुले अर्थमन्त्रीको बाटो छेक्न खोजेपनि अर्थमन्त्री शर्मा दौडेर रोष्टम पुगेर अध्यादेश पेश गरेका छन् ।
प्रतिक्रिया