बुटवल । ग्लोबल आईएमई बैंकले आफ्ना ग्राहकहरुलाई एकैठाँउमा भेला गरेर बैंकको डिजिटल बैंकिङ सम्बन्धमा साक्षर गराएको छ । बैंकले लुम्बिनी प्रदेशका ५६ वटा शाखा अन्तर्गतका ग्राहकहरुलाई डिजिटल बैंकिङ सम्बन्धमा साक्षर बनाएका हो ।
बिहिबार बुटवलको राममन्दिर लाईन र अस्पताल लाईन शाखा अन्तर्गतका ग्राहकहरुलाई ग्लोबल आईएमई बैंकको डिजिटल प्रविधिको जानकारी दिईएको छ । बेंका डिजिटल बैंक प्रमुख जाज्र्वल्य ज्योशीले बैंकले हाल संचालनमा ल्याएको डिजिटल प्रविधिका विषयमा साक्षर गराएका थिए । सो अवसरमा जोशीले डिजिटल प्रबिधि प्रयोग गर्दा अपनाउनु पर्ने सावधानी र गोपनियताका विषयमा ग्राहकहरुलाई सचेत बनाएका थिए ।
कार्यक्रममा बैंककी रेमिट्यान्स प्रमुख सुवेक्षा राणाले वित्तीय साक्षरता डिजिटल बैंकिङ सम्बन्धि कार्यक्रमको सहजिकरण गर्दै बैंकले आगामी दिनहरुमा अझै स्मार्ट प्रविधिहरु ल्याउने तयारी गरिरहेको बताइन् । उनले बैंकको साना सानो कामलाई पनि बैंक धाउनु पर्ने बाध्यतालाई अन्त्य गर्दै घर वा व्यवसायीक स्थलमै बसेर सम्पूर्ण बैंकिङ सेवा लिन सकिने गरि ग्लोबल बैंकले सेवा दिने प्रयास गरिरहेको जनाइन् ।
लुम्बिनी प्रदेशका ५६ शाखाका ग्राहकहरुलाई ५० स्थानमा आमन्त्रण गरि डिजिटल बैंकको प्रयोग सम्बन्धित विषयहरु जानकारी दिने उद्देश्यले साक्षरता कार्यक्रम राखिएको बैंकका अस्पताल लाईन शाखा प्रमुख हेमन्त कंडेलले बताए ।
प्रतिक्रिया