काठमाडौँ । निर्वाचन आयोगले सर्वदलीय बैठक आह्वान गरेको छ । राजनीतिक दलहरुसँग परामर्श गर्न भन्दै आयोगले सर्वदलीय बैठक बोलाएको हो ।
दलहरुसँग छलफलका लागि शुक्रबार शुक्रबार साढे ११ बजे बस्ने गरि बैठक बोलाइएको आयोगका प्रमुख आयुक्त दिनेश थपलियाले जानकारी दिएका छन् ।
थपलियाका अनुसार बैठकमा संघ र प्रदेशमा प्रतिनिधित्व गर्ने करिब १६ दललाई निमन्त्राणा गरिएको छ । निर्वाचन आयोगले आगामी माघ १२ गते हुन गइरहेको राष्ट्रियसभा सदस्यको निर्वाचनका बारेमा दलहरुसँग छलफल गर्न बैठक बोलाइृएको जनाएको छ ।
त्रैठकमा आयोगले हाल जारी राखेको मतदाता नामावली संकलनको कामका विषयमा आयोगले दलहरुलाई जानकारी दिने कार्यक्रम रहेको बताइएको छ ।
त्यस्तै, स्थानीय तहको निर्वाचनको मिति तय गर्ने विषयमा पनि छलफल हुने छ ।
आयोगले स्थानीय तहको निर्वाचनका सम्बन्धमा गत पुस ९ गते नै प्रधानमन्त्री शेरबहादुर देउवालाई भेटेर वैशाख १४ र २२ गते स्थानीय तहको चुनावका विषयमा प्रस्ताव गरेको थियो । सरकारले भने त्यस सम्बन्धमा कुनै निर्णय गरिसकेको छैन ।
प्रतिक्रिया