बुटवल । फागुन २१ गते हुने प्रतिनिधिसभा निर्वाचन बहिस्कार गर्ने घोषणा गरेका नेकपा बहुमतले बन्दको विज्ञप्ति निकालेपछि बुटवल र यस आसपासका बिद्यालयहरुले विद्यालयमा विदादिने सूचना गरेका छन् । भोली मँगलबारका लागि आह्वान गरिएको बन्दको हल्लाका आधारमा विद्यालयहरुले विदाको सूचना जारी गरेका हुन् ।
नीजि विद्यालयहरुले औपचारिकरुपमा सूचना प्रकाशित नगरेपनि अभिभावकहरुलाई फोन गरेर विद्यार्थी नपठाउन भनेको बुटवलका एक अभिभावकले बताए ।
जिल्ला प्रशासन कार्यालय रुपन्देहीले भने रुपन्देहीमा बन्दको कुनै प्रभाव नपर्ने जनाएको छ । आवश्यक सुरक्षा व्यवस्थाका लागि स्थानीय प्रशासन तयार रहेको बताउँदै प्रशासनले बजार, पसल, विद्यालय तथा कलकारखाना निर्वाध रुपमा सञ्चालन गर्न आग्रह गरेको छ ।
नेपाल कम्युनिष्ट पार्टी (बहुमत) का नाममा बन्द बारे विज्ञप्ती सार्वजनिक भएपछि विद्यालयहरुले पठनपाठन नगराउने भनेपनि अन्य निकायले भने बन्दबारे कुनै औपचारीक धारणा सार्वजनिक गरेका छैनन् ।
प्रतिक्रिया