काठमाडौं । आईसीसी टी-२० विश्वकप ग्लोबल छनोट क्रिकेटअन्तर्गत दोस्रो खेलमा नेपालले फिलिपिन्सलाई १३६ रनको विशाल स्कोरले पराजित गरेको छ । यससँगै नेपाल नेपाल ग्लोवल छनौटको सेमिफाइनल नजिक पुगेको छ ।
ओमानको मस्कटस्थित अल अमेरात रंगशालामा नेपालले पहिले ब्याटिङ गर्दै फिलिपिन्सलाई २१९ रनको विशाल लक्ष्य दिएको थियो । जवाफी व्याटिङमा उत्रिएको फिलिपिन्सका ब्याट्म्यानहरु नेपालका बलर सामु निरिह बने । नेपालले फिलिपिन्सलाई मात्र ८२ रनमा रोक्न सफल भयो ।
फिलिपिन्सलाई सस्तैमा समेट्न कप्तान सन्दीप लामिछानेले ४ ओभरमा ९ रन मात्र खर्चिएर ३ विकेट लिए । यस्तै, जितेन्द्र मुखिया, कुशल मल्ल, गुल्सन झा, अविनाश बोहोरा र दीपेन्द्रसिंह ऐरीले १/१ विकेट लिए ।
नेपालले दुई खेलबाट चार अंक जोडेर समुहको शीर्ष स्थानमा पुगेको छ ।
प्रतिक्रिया