बुटवल । गुल्मी पौदेली सम्पर्क समाज रुपन्देहीको तेस्रो साधारण सभा तथा दोस्रो अधिवेशन सम्पन्न भएको छ । समाजका अध्यक्ष लिलाधर गौतमको अध्यक्षता प्रदेश सभा सदस्य खड्ग बहादुर केसीको प्रमुख आतिथ्यतामा साधारण सभा तथा अधिबेशन सम्पन्न भएको हो ।
सो अवसरमा बोल्दै प्रदेश सांसद केसीले पौदीबाट स्थायी तथा अस्थायी बसोबास रुपन्देहीमा आएर गरेपनि जन्मथलोको विकासमा सवै लाग्नुपर्नेमा जोड दिए । पहिलेको तुलनामा अहिले धेरै पौदी हाल मुसिकोट नगरपालिका भित्र काम भएको भन्दै जन्मथलोको विकासमा बसाई सराई गरी यहां आएपनि लाग्नुपर्ने उनले बताए । अध्यक्ष लिलाधर गौतमले समाजले गाउंका सवैलाई एकआपसमा बाध्ने काम समाजले गरेको भन्दै यसले आपसी भाईचाराको विकास भएको उनले बताए ।
कार्यक्रममा सल्लाहकार हरि श्रेष्ठ, शंकर केसी, ज्ञानेश्वर पौडेल लगाएतले बोलेका थिए । कार्यक्रममा कोषाध्यक्ष टोम बहादुर थापाले प्रतिबेदन प्रस्तुत गरेका थिए । पौदीबाट रुपन्देहीमा आएर अहिले विभिन्न पेशा व्यवसायमा २ सय बढि रहेको समाजले जनाएको छ । कार्यक्रम उपाध्यक्ष चुरामणी पौडेलको स्वागत तथा सचिव हरि पौडेलको सञ्चालनमा सम्पन्न भएको थियो ।
सो अवसरमा ३ जना जेष्ठ नागरिकलाई सम्मान गर्नुका सार्थ ४४ जनालाई आजिवन सदस्यता प्रदान गरिएको थियो । त्यस्तै अधिवेशनबाट अध्यक्षमा चुरामणी पौडेल चयन भएका छन । समाजको तेस्रो साधारण सभा तथा दोस्रो अधिवेशनबाट चुरामणी पौडेलको अध्यक्षतामा १९ सदस्यीय नयां नेतृत्व चयन भएको हो । जसको उपाध्यक्षमा टोम बहादुर थापा, सचिवमा हरि पौडेल, सह सचिवमा शेर प्रसाद श्रेष्ठ र कोषाध्यक्षमा बासुदेव भुसाल चयन भएका छन ।
प्रतिक्रिया