बुटवल । अपाङ्गता भएका महिला तथा बालबालिका विरुद्ध हुने हिंसा न्युनीकरणका लागि १ दिने अभिमुखिकरण कार्यक्रम सम्पन्न भएको छ ।
नेपाल अपाङ्ग महिला संघ र अपाङ्गतामहिला संघको आयोजना र बुटवल उपमहानरपालिका वडा नम्बर १६ को सहयोगमा कार्यक्रम भएको हो ।
अपाङ्गता महिला संघ रुपन्देहीका अध्यक्ष कल्पना ढकालको अध्यक्षता तथा बुटवल उपमहानगरपालिका वडा नम्बर १६ का अध्यक्ष तथा नगरपालिका प्रवक्ता राम प्रसाद रेग्मीको प्रमुख आतिथ्यतामा कार्यक्रम भएको हो ।
कार्यक्रममा बोल्दै प्रमुख अतिथि राम प्रसाद रेग्मीले अपाङ्गता भएका समुदाय, त्यसमापनि महिला तथा वालवालिकाको अधिकार प्रति नगरपालिका जहिले पनि सजग र सचेत रहेको बताए । उनले अपाङ्गता भएका व्याक्तिहरुको समाजमा पुर्नःस्थापनाको लागि आफुले जहिले पनि पहल गर्ने प्रतिवद्धता समेत जनाए ।
कार्यक्रममा वडा नम्बर १६ का जन प्रतिनिधि बाल कुमारी आचार्यको विशिष्ट आतिथ्यता रहेको थियो । यस्तै वडा सदस्य निरु विश्वकर्मा, गगन बहादुर गुरुङ्ग, सन्त प्रसाद थारु, वडा सचिव जगत बहादुर क्षेत्री लगायतको आतिथ्यता रहेको थियो ।
वडा नम्बर १६ का अपाङ्गता भएका व्याक्ति, उनीहरुको परिवार तथा महिला स्वयम सेविका र सरोकारवालाहरुको सहभागीता रहेको अभिमुखिरकण कार्यक्रममा अधिवक्ता गौतम सुनार, विन्दु ज्ञवाली लगायतले सहजीकरण गरेका थिए । कार्यक्रमको सञ्चालन पार्वती न्यौपानेले र स्वागत सुमी गुरुङ्गले गरेकी थिए ।
प्रतिक्रिया