काठमाडौं । भारतका लागि नेपाली राजदूतमा सिफारिस गरिएका डा. शंकर शर्माको एग्रिमो पठाएको छ ।
राजदूतमा सिफारिस भएको ९५ दिनपछि मात्र भारतले डा. शर्माको एग्रिमो नेपाललाई पठाएको हो । शर्माको नाममा एग्रिमो आएको परराष्ट्रमन्त्रालयले जनाएको छ । संसदीय सुनुवाइ सकिएपछि गत मंसिर २४ गते मन्त्रालयलले एग्रिमोका लागि भारतको विदेश मन्त्रालयमा पत्राचार गरेको थियो ।
अब भारतबाट एग्रिमो आइसकेपछि राष्ट्रपतिले डा. शर्मालाई राजदूत नियुक्त गर्नेछिन् ।
यसअघि शर्मासँगै एग्रिमोका लागि पठाइएका बेलायतका लागि सिफारिस भएका ज्ञानचन्द्र आचार्य र अमेरिकाका लागि श्रीधर खत्री राजदूत नियुक्त भैसकेका छन् ।
सरकारले तीनै जनालाई गत कार्तिक ११ गते राजदूतमा सिफारिस गरेको थियो ।
शर्मा यसअघि अमेरिकाका लागि पूर्व राजदूत हुन् भने राष्ट्रिय योजना आयोगको उपाध्यक्ष भैसकेका छन् ।
प्रतिक्रिया