बुटवल । नेवाः दय दबूको दोस्रो अधिवेशनले नवलपरासीकी बिजुला जोशीको नेतृत्वमा २९ सदस्सीय सर्वसम्मत प्रदेश समिति निर्वाचित गरेको छ ।
आज अपरान्ह सम्पन्न प्रदेशको अधिवेशनले वरिष्ठ उपाध्यक्षमा बाबुराम श्रेष्ठ (रुपन्देही), उपाध्यक्षमा टिका श्रेष्ठ (दाङ), उपाध्यक्षमा प्रेमलाल श्रेष्ठ (बाँके) लाई निर्वाचित गरेको छ ।
त्यसैगरि महासचिवमा चिरन्जिवी श्रेष्ठ(रुपन्देही), सचिवद्वयमा रमेश श्रेष्ठ ( बर्दिया ) र सुशिला श्रेष्ठ (कपिलवस्तु) तथा कोषाध्यक्षमा साहना श्रेष्ठ(दाङ) निर्वाचित भएका छन् ।
अधिवेशनले २ जना सदस्य पछि थप गर्ने गरि २१ जना सदस्यहरुको समेत सर्वसम्मत चयन गरेको छ ।
अधिवेशनमा निर्वाचनका लागि गठित अध्यक्ष मण्डलले प्रस्ताव गरेको पदाधिकारी तथा सदस्इहरुको प्रस्तावलाई १२ जिल्लाबाट प्रतिनिधित्व गरेका प्रतिनिधिहरुले सर्वसम्मत अनुमोदन गरेको नव निर्वाचित महासचिव जिरन्जिवी श्रेष्ठले जानकारी दिए ।
अधिवेशनको दबूका केन्द्रीय अध्यक्ष नरेश ताम्राकारले उदघाटन गरेका थिए ।
प्रतिक्रिया