गुल्मी । गुल्मीमा रेसुङ्गा नगरपालिका पछि अर्को पालिकामा पनि काँग्रेसकै उम्मेदवारहरु विजयी भएका छन् । गुल्मीदरबार गाउपालिका गुल्मीमा अध्यक्ष र उपाध्यक्ष सहित चार वटा वडामा नेपाली कांग्रेसले जितेको छ ।
पालिका अध्यक्षमा सरोज थापा र उपाध्यक्षमा तारा थापा ढेंगा मगर विजयी भएका छन् । गुल्मी दरवारमा नेकपा एमालेले तीन वटा वडामा चित्त बुझाएको छ ।
कांग्रेसबाट पालिका अध्यक्ष निर्वाचित थापाले ६१६६ मत ल्याएका छन् भने एमालेका कृष्णप्रसाद भुसालले ५६०२ मत पाएका छन् । थापाले भुसाललाई ५६४ मत अन्तरले पराजित गरेका हुन् । कांग्रेसबाट पालिका उपाध्यक्ष विजयी ढेंगाले ६१८८ मत पाएकी छन् भने एमाले उम्मेदवार सुशिला पुनले ५५८९ मत प्राप्त गरेको निर्वाचन अधिकृतको कार्यालयका प्रकाश थापाले जानकारी दिए ।
भुसाल र पुन गत स्थानिय निर्वाचनमा समेत पराजित भए पनि यसपटक पनि एमालेले दुबैजनालाई पुनः उम्मेदवार बनाएको थियो । २०७४ को निर्वाचनमा समेत कांग्रेस चार वटा वडा सहित पालिका अध्यक्ष र उपाध्यक्षमा विजयी भएको थियो ।
प्रतिक्रिया