मुम्बई उड्नै लागेको नेपाल एयरलाइन्सको जहाजबाट २ जना शंकास्पद व्यक्ति पक्राउ

काठमाडौं । त्रिभुवन अन्तराष्ट्रिय विमानस्थलबाट भारतको मुम्बई जान लागेको नेपाल एयरलाइन्सको जहाजबाट २ जना शंकास्पद व्यक्तिलाई प्रहरीले नियन्त्रणमा लिएको छ ।

आतंकवादी गतिविधिमा संलग्न भएको आशंकामा नेपाल प्रहरीको केन्द्रीय कार्यालय अन्तर्गतको विशेष अनुसन्धान ब्युरोले ती व्यक्तिहरुलाई नियन्त्रणमा लिएको हो । श्रीमान श्रीमतीका रूपमा पहिचान खुलेका ती व्यक्तिहरु कुनै आतंकवादी संगठनमा रहेको सूचना प्रहरी प्रधान कार्यालयमा पुगेको थियो ।

जहाजको ढोका बन्द गरेर उड्ने तयारी गर्नै लाग्दा प्रहरीले सीआईबीले अनुसन्धानका लागि जहाज रोकेको थियो । त्यसपछि सबै यात्रुहरुलाई जहाजबाट ओरालेर शंकास्पद व्यक्तिलाई प्रहरीले नियन्त्रणमा लिएको थियो । सबै यात्रुको चेकजाँचपछि प्रक्रिया पुरा गरेर अन्य यात्रुरुलाई पुनः जहाजमै चढाएर गन्तव्यमा पुर्याउने नेपाल एयरलाइन्सले जनाएको छ ।