काठमाडौं । नेकपा एमालेले अध्यक्ष केपी शर्मा ओलीको संयोजकत्वमा केन्द्रीय निर्वाचन परिचालन कमिटी बनाएको छ ।
पार्टी केन्द्रीय कार्यालय च्यासलमा बसेको एमाले सचिवालय बैठकले अध्यक्ष ओलीको नेतृत्वमा निर्वाचन परिचालन समिति बनाएको हो । कमिटीमा
उक्त कमिटीमा केन्द्रीय कमिटीका सबै सदस्य तथा केन्द्रीय निकाय र आयोगका पदाधिकारी, प्रदेश कमिटीका पदाधिकारी रहनेछन्। यसैगरी जनसंगठनका अध्यक्ष र महासचिव सहित केन्द्रीय विभागका सचिव पनि सो कमिटीमा रहने उपमहासचिव एवं प्रवक्ता पृथ्वीसुब्बा गुरूङले जानकारी दिए।
बैठकले ६ सदस्यीय निर्वाचन घोषणापत्र मस्यौदा कमिटी पनि गठन गरेको छ । मस्यौदा कमिटीमा उपाध्यक्षहरु अष्टलक्ष्मी शाक्य, रामबहादुर थापा, विष्णुप्रसाद पौडेल, महासचिव शंकर पोखरेल, उपमहासचिव प्रदीप ज्ञवाली र विष्णु रिमाल रहनेछन् ।
यस्तै बैठकले आगामी भदौ ७ गते स्थायी कमिटी र ९ गते पोलिटब्यूरो बैठक बोलाउने निर्णय गरेको पनि गुरुङले बताए ।
प्रतिक्रिया