काठमाडौं । संघीय मन्त्रीपरिषदले संघीय सरकार अन्तर्गतका ३ वटा अस्पतालमा नयाँ अध्यक्षहरु नियुक्ति गरेको छ । स्वास्थ्य तथा जनसंख्या मन्त्रालयको सिफारिसमा टेकु अस्पताल परोपकार प्रसुति अस्ताल र नेपालगन्जस्थित भेरी अस्पतालमा नयाँ अध्यक्ष नियुक्त गरेको हो ।
मन्त्रिपरिषदको निर्णयबाट डा. चिन बहादुर पुन टेकु अस्पतालको अध्यक्षमा नियुक्त भएका छन् । स्वास्थ्य तथा जनसंख्या मन्त्रालयको प्रस्तावमा गत शुक्रबार बसेको मन्त्रिपरिषदको बैठकले पुनलाई टेकु अस्पतालको अध्यक्षमा नियुक्त गरेको हो ।
पुन २०५१ सालबाट क्यान्सर अस्पताल भरतपुरमा कार्यरत थिए । यस्तै २०७१ वैशाखदेखि २०७४ बैशाखसम्म बीपी कोईराला मेमोरियल क्यान्सर अस्पतालको कार्यकारी निर्देशक थिए।
यसैगरी मन्त्रिपरिषदको बैठकले डा. विदुर वस्तीलाई थापाथलीस्थित परोपकार प्रसूति तथा स्त्री रोग अस्पतालको अध्यक्षमा नियुक्त गरेको छ ।
२ वटा अस्पतालमा स्वास्थ्य क्षेत्रकै विज्ञलाई अध्यक्ष पदमा नियुक्त गरिएपनि नेपालगन्ज स्थित भेरी अस्पतालमा सुनचाँदी व्यवसायीलाई अध्यक्ष पदमा नियुक्त गरिएको छ । सुनचाँदी र जडिबुटी व्यवसाय बाहेकको कुनै अनुभव नभएका सकिल अहमद जसगढलाई भेरी अस्पतालको अध्यक्ष पदमा नियुक्त गरिएको छ ।
भेरी अस्पताल जस्तो लुम्बिनी, कर्णाली र सुदुरपश्चिम प्रदेशको रिफर अस्पतालमा चिकित्सा क्षेत्रको वा सामाजिक अभियन्तालाई नियुक्त गर्नु पर्नेमा सरकारले सामाजिक अनुभव नभएको व्यक्तिलाई नियुक्त गरेको नाम नबताउने सर्तमा अस्पतालका एक कर्मचारीले बताए ।
प्रतिक्रिया