काठमाडौं । राष्ट्रपति विद्यादेवी भण्डारीले बिजया दशमीको दिन विशिष्ट व्यक्तिका साथै आम सर्बसाधारणलाई टीका लगाइदिएकी छिन् ।
गणतन्त्र घोषणा भएको १५ वर्ष पुगि सक्दा पनि नेपालमा राजतन्त्रात्मक शैलीमा सर्वसाधारणलाई टिका लगाइदिने कार्य जारी छ । यस वर्ष राष्ट्रपति भण्डारीले आफुले टिका लगाइदिनेहरुको वर्ग विभाजन गर्दै दिउँसो २ देखि ३ बजेसम्म विशिष्ट र ३ बजेपछि आम सर्वसाधारणलाई टीका तथा जमरा लगाइदिएकी हुन् ।
सत्ता शक्ति र पावरको चाकडी गर्ने परम्परालाई कायम राख्दै राष्ट्रपतिसँग टिका लगाउन राष्ट्रसेवक कर्मचारी, सेना प्रहरीका उच्च अधिकारी सहितको लावा लस्कर सितल निवास पुगेको थिए । टीका लगाउनको लागि सर्वसाधारण विशेष गरि एमाले समर्थकहरु राष्ट्रपतिको सरकारी निवास शितल निवास पुगेका थिए ।
यस अघि आजै एमाले अध्यक्ष केपी ओलीले पनि आफ्ना समर्थक र सुभेच्छुकहरुलाई दसैंको टिका लगाइदिएका थिए ।
प्रतिक्रिया