बुटवल । सत्ता गठबन्धनको अगुवा कार्यकर्ता भेलालाई सम्बोधन गर्न प्रधानमन्त्री शेरबहादुर देउवा सहितका गठबन्धनका नेताहरु बुटवल आउने निश्चित भएपछि कार्यक्रमस्थल आसपासका सडक धमाधम मर्मत हुन थालेका छन् ।
योगीकुटीस्थित होटल पौवामा कार्यकर्ता भेला हुने तय भएसँगै आज बिहानैबाट कार्यक्रम स्थल आसपासका क्षेत्रमा सडक मरमत थालिएको हो ।
प्रधानमन्त्री वा शक्ति केन्द्रहरुलाई खुसी पार्नमात्र कार्य सम्पादनमा तदारकता देखाउने राजतन्त्रात्मक शैलीलाई पछ्याउँदै सरकारी साधन स्रोतलाई प्रयोग गर्दै सडक मरमत थालिएको छ । ुबाटो मर्मत हुन प्रधानमन्त्री नै आउनु पर्नेरहेछ ।ु योगीकुटीका एक स्थानीय व्यवसायीले भने ।
योगीकुटी आसपासका सर्विस लेनमा परेको खाल्डाखुल्डी पुर्ने काममा तिलोत्तमा नगरपालिका र सडकका कर्मचारीहरु बिहानैदेखि खटिएका छन् । प्रधानमन्त्री र नेताहरु नआउँदा पनि सरकारी कर्मचारीहरुले काम गरिदिनुपर्ने अर्का स्थानीयबासीको माग छ ।
गठबन्धनको कार्यक्रमलाई सम्बोधन गर्न आज प्रधानमन्त्री देउवा सहित माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष माधवकुमार नेपाल, राजमोका कार्यबाहक अध्यक्ष र लोसपाका नेताहरु बुटवल आउँदैछन् ।
प्रतिक्रिया