रुपन्देहीमा मोटरसाईकल ठोक्किँदा दुईवटै मोटरसाईकल चालकको मृत्यु

२२ कार्तिक २०७९, मंगलबार

बुटवल । रुपन्देहीको गैडहवा गाउपालिका–२ मा दुई वटा मोटरसाइकल ठोक्किँदा दुबै मोटरसाईकलका चालकको मृत्यु भएको छ ।

लु ५ प ९७३२ नम्बरको मोटरसाइकल र लु ७६ प ३३७२ नम्बरको मोटरसाईकल सोमबार राती एकआपसमा ठोक्किएको थियो ।

दुर्घटनामा परी गैडहवा गाउँपालिका–२ जोगडा बस्ने २३ वर्षीय सन्तोष पासी र १६ वर्षीय निरज लोधको मृत्यु भएको हो ।

गम्भीर घाइते भएका पासीको सिटी अस्पताल भैरहवामा र लोधको भिम अस्पतालमा उपचारको क्रममा मृत्यु भएको इलाका प्रहरी कार्यालय सूर्यपुराले जनाएको छ ।

प्रकाशित मिति : २२ कार्तिक २०७९, मंगलबार ११ : २९ बजे

प्रतिक्रिया