नेपालगन्ज । नेपालगन्जमा विस्फोटक पदार्थ बनाउने क्रममा विस्फोट हुँदा २ जना घाइते भएका छन् । नेपालगन्ज उपमहानगरपालिका १० भृकुटी नगरमा डेरा गरि बस्ने २ जनाले विस्फोटक बदार्थ बनाउने क्रममा बिस्फोट हुँदा दुबै जना घाइते भएको प्रहरीले जनाएको छ ।
भृकुटीनगर स्थित स्थानीय दिवाकर बिक्रम मल्लको घरमा डेरा गरि बस्ने सल्यानका २७ वर्षिय डिल्ली बहादुर बीसी क्षेत्री र कैलाली घोडाघोडी घर भई बीसीसँगै डेरा गरि बस्ने ३३ वर्षिय धर्मबहादुर सुनार विस्फोटक पदार्थ बनाउने क्रममा बिस्फोट भएर घाइते भएको बाँके प्रहरी प्रवक्ता रामप्रसाद घर्तीले जानकारी दिए ।
घाइते भएका दुबै जनालाई भेरी अस्पतालमा उपचारका लागि लगिएकोमा त्यहाँबाट थप उपचारका लागि मेडिकल कलेजमा पठाईएको र घाइतेहरुमध्य धर्मबहादुर बिक गम्भीर अवस्थामा रहेको डीएसपी घर्तीले बताए ।
घटनास्थललाई शील गरि नेपाली सेनाको बम डिस्पोजल टोलिले अनुसन्धान थालेको प्रहरीले जनाएको छ । सेनाको अनुसन्धान पछि मात्र घटनाको वास्तबिक विवरण आउने डीएसपी घर्तीले बताए ।
घाइते डिल्ली क्षेत्री विप्लव नेतृत्वको नेकपाको भातृ संगठन अखिल क्रान्तिकारी बाँकेका अध्यक्ष हुन् ।
प्रतिक्रिया