दाङ । नेकपा एमालेका महासचिव शंकर पोखरेलले चुनावपछि एमाले नै देशमा स्थायित्व दिन सक्ने बलियो राजनीतिक शक्तिको रुपमा स्थापित हुने दाबी गरेका छन् ।
दाङको तुलसीपर उपमहानगरपालिकास्थित जनता क्याम्पस मतदान केन्द्रबाट मतदान गरेपछि संचारकर्मीसँग कुरा गर्दै महासचिव पोखरेलले यस्तो दाबी गरेका हुन् ।
पोखरेलले मुलुकमा बहुमत सहितको राजनीतिक स्थायित्व आवश्यक रहेको बताउँदै बलियो राष्ट्रिय शक्ति हुने सामथ्र्य एमालेसँग मात्र रहेको जिकिर गरे । उनले राजनीतिक दलहरुबीचको सहकार्य विकास र सम्बृद्धि आवश्यक रहेको पनि बताए । सही दिशा प्राप्त गर्नका लागि दूरदर्शी नेतृत्व चाहिने उनले बताए ।
प्रतिक्रिया