काठमाडौं । यसपटकको निर्वाचनमा आश्चर्यजनक नतिजा सार्वजनिक भैरहेकोमा मकवानपुरबाट पनि त्यस्तै नतिजा आएको छ ।
मकवानपुर क्षेत्र नम्बर–१ मा राप्रपाका दीपकबहादुर सिंह विजयी भएका छन् ।
सिंहले सत्ता गठबन्धन र विपक्षी एमाले गठबन्धनका उम्मेदवारलाई पराजित गर्दै विजयी भएका हुन् ।
सिंहले २७ हजार ८१६ हजार मत प्राप्त गरेका छन् । उनका निकटतम प्रतिद्वन्द्वी रहेकी सत्तारुढ गठबन्धनकी उम्मेदवार डीनाले २५ हजार ४२३ मत प्राप्त गरिन् । यस्तै, एमालेको चुनाव चिन्हबाट उम्मेदबार बनेका राप्रपा नेपालका अध्यक्ष कमल थापाले २५ हजार ४२० मत प्राप्त गरेकाछन् ।
सुरु देखि नै डिना उपाध्यायाको अग्रता रहेपनि सिंह आश्चर्यनजक ढंगले अन्तिमतिर अग्रतामा आएका थिए ।
सिंह यसअघि गत स्थानीय निर्वाचनमा हेटौंडा उपमहानगरपालिकाको मेयरमा पराजित भएका थिए ।
प्रतिक्रिया