काठमाडौं । नेकपा माओवादी केन्द्र समानुपातिक निर्वाचन प्रणालीमा तेस्रो स्थानमा रहेको छ ।
जारी मतगणनाको दिउँसो १:३० बजेसम्मको अपडेट अनुसार माओवादीले ८ लाख १४ हजार ३३४ मत प्राप्त गरेको छ ।
यसअघि निरन्तर तेस्रो स्थानमा रहेको राष्ट्रिय स्वतन्त्र पार्टी रास्वपा चौंथो स्थानमा झरेको छ । रास्वपाले ७ लाख ९५ हजार ८५८ मत ल्याएको छ ।
सुरुवात देखि नै पहिलो स्थानमा रहँदै आएको नेकपा एमालेले १९ लाख १७ हजार ७५८ मत ल्याएको छ भने नेपाली कांग्रेस १८ लाख ४४ हजार ३० मतका साथ दोस्रो स्थानमा रहेको छ ।
पाँचौं स्थानमा रहेको राष्ट्रिय प्रजातन्त्र पार्टी राप्रपाको ४ लाख ९ हजार ८०० मत आएको छ भने छैठौं स्थानमा रहेको जनता समाजवादी पार्टी जसपाको २ लाख ३० हजार १२ मत रहेको छ । यस्तै, सातौं स्थानमा रहेको नेकपा एकीकृत समाजवादीले १ लाख ७६ हजार ८४३ मत ल्याउन सकेको छ ।
हालसम्मको तथ्यांकअनुसार ६ वटा पार्टी राष्ट्रिय पार्टी बन्ने चरणमा पुगेका छन् ।
प्रतिक्रिया