सुनसरी-४ को मतगणना रोचक मोडमा, कुसियैतसँग कार्कीको २७ को मात्र मतान्तर

काठमाडौं । सुनसरी क्षेत्र नम्बर(४ को मतगणना रोचक मोडमा पुगेको छ ।

मतगणनाको क्रममा नेपाली कांग्रेसका उम्मेदवार एवं संचार तथा सूचना प्रविधि मन्त्री ज्ञानेन्द्रबहादुर कार्की र नेकपा एमालेका जगदिशप्रसाद कुसियैतबीच काँटेका टक्कर चलिरहेको छ ।

निकै तिब्र प्रतिस्पर्धा भैरहेको यस क्षेत्रमा कुनै बेला कार्की अघि देखिएका छन् भने कुनैबेला कुसियैत ।

आज बिहान कुसियैतले कार्कीलाई ८२ मतले पछि पारेका थिए । अहिले कार्कीले मतान्तर घटाउँदै २७ मा झारेका छन् ।

सँग मतान्तर घटाउँदै लगेका छन् । कुसियैतले २९ हजार ९६६ मत पाएका छन् भने कार्कीले २९ हजार ९३९ मत ल्याएका छन् । मतगणना सकिन लाग्दा कुसियैतले यो झिनो अग्रतालाई कायम राख्न सके भने उनी नै विजयी बन्नेछन् । एमालेलाई जनता समाजवादी पार्टीको समर्थन रहेको छ ।

मतगणनामा एमाले उम्मेदवारको पक्षमा धेरै मत लेखिएको भन्दै कार्कीले आपत्ति जनाएपछि दुई दिन यहाँको गणना स्थगित भएको थियो । पछि निर्वाचन आयोगको निर्देशनपछि हिजोबाट मतगणनाप पुन सुचारु भएको थियो ।