काठमाडौं । राष्ट्रियसभा उपनिर्वाचनमा नेकपा एमालेका उम्मेदवार कुमार दसौंदी निर्वाचित भएका छन् ।
लुम्बिनी प्रदेशमा आज भएको उपनिर्वाचनमा दसौंदीले ४ हजार २६ मतभारका साथ निर्वाचित भएका हुन् ।
दसौंदीको निकटतम प्रतिस्पर्धी नेपाली कांग्रेसका माधव आचार्यले ३ हजार ७२० मत प्राप्त गरे भने नागरिक उन्मुक्ति पार्टीका राजेन्द्रवीर रायले १९२ मतभार मात्र पाउन सके ।
गत असोजमा एमालेका खिमलाल भट्टराईले राजीनामा दिएपछि लुम्बिनी प्रदेशबाट प्रतिनिधित्व हुने सिट रिक्त रहेको थियो ।
यसअघि आज बिहान १० बजेदेखि ३ बजेसम्म मतदान भएको थियो । मतदानमा
प्रदेशसभा सदस्य र गाउँपालिका तथा नगरपालिकाका प्रमुख र उपप्रमुखले मतदान गरेका थिए ।
प्रतिक्रिया