कैलाली । नागरिक उन्मुक्ति पार्टीका सांसद अरुण चौधरी जिल्ला कारागार कैलालीबाट रिहा भएका छन् ।
राष्ट्रपति विद्यादेवी भण्डारीले प्रजातन्त्र दिवसको उपलक्ष्यमा कैदीको सजाय माफी गरिदिएपछि नागरिक उन्मुक्तिका सांसद चौधरी आज जिल्ला कारागार कैलालीबाट रिहा भएका हुन् ।
आवश्यक प्रक्रिया पूरा गरेर चौधरीलाई रिहा गरिएको कैलालीका प्रमुख जिल्ला अधिकारी युवराज कटेलले जानकारी दिएका छन्। उनलाई नागरिक उन्मुक्तिका अध्यक्ष रञ्जिता श्रेष्ठले कारगार पुगेर स्वागत गरेकी थिइन् ।
१८ दिन कारागार बसेर रिहा भएकाले चौधरीले आफूमाथि प्रतिशोध साँधिएको आरोप लगाएका छन् ।
राष्ट्रपति विद्यादेवी भण्डारीले प्रजातन्त्र दिवसको उपलक्ष्यमा ३९५ जना कैदीको सजाय माफी गरिदिएकी छन् । सोही सूचीमा अरुण चौधरीलगायत चारजनाको नाम समावेश रहेको थियो ।
चौधरी कैलाली प्रतिनिधिसभा क्षेत्र नम्बर २ बाट निर्वाचित भएका थिए ।
प्रतिक्रिया