काठमाडौं । नागरिक उन्मुक्ति पार्टीले अध्यक्ष रञ्जिता श्रेष्ठ चौधरीलाई उपराष्ट्रपतिको उम्मदेवार बनाउने निर्णय गरेको छ ।
शुक्रबार बिहान सिंहदरबारमा बसेको संसदीय दलको बैठकले प्रतिनिधिसभा सदस्य समेत रहेकी अध्यक्ष श्रेष्ठ चौधरीलाई उपराष्ट्रपतिको उम्मदेवार बनाउने निर्णय गरेको हो । पार्टी निर्णयपछि अब गठबन्धनमा छलफल सुरु गर्ने संसदीय दलका प्रमुख सचेतक गंगाराम चौधरीले बताए ।
उपराष्ट्रपतिमा गठबन्धनकै तर्फबाट जनता समाजवादी पार्टीले रामसहाय प्रसाद यादवलाई उपराष्ट्रपति बनाउने निर्णय गरिसकेको छ । आजैमात्र कांग्र्रेस उपसभापति पूर्णबहादुर खड्काले जसपालाई उपराष्ट्रपति दिने निर्णय नभएको बताएका थिए ।
आजै मात्र निर्वाचन आयोगले राष्ट्रपतिमा पुरुष निर्वाचित भइसकेकाले अब लिंगको व्यक्तिलाई उम्मेदवारी दर्ता गराउन निर्वाचन अधिकृतलाई निर्देशन दिएको थियो ।
प्रतिक्रिया