काठमाडौं । गैरआवासीय नेपाली संघ (एनआरएनए) का उपाध्यक्ष एवं भावी अध्यक्षका उम्मेदवार डा. हेमराज शर्माले दोस्रो पुस्ताका गैरआवासीय नेपालीलाई नेपालप्रति आकर्षित गर्न आफ्ना एजेण्डा अघि सारेका छन् ।
गैरआवासीय नेपाली संघ (एनआरएनए)को १२औ अधिवेशन तथा विश्व सम्मेलनको ‘दोस्रो पुस्ताका युवा र सांस्कृतिक उत्तरदायित्व (सेकेण्ड जेनेरेसन युथ र कल्चरल रेस्पोन्सबिलिटी)’ सत्रमा वक्ताको रुपमा आफ्नो धारणा राख्दै शर्माले दोस्रो पुस्तालाई कनेक्ट गर्न एनआरएनमै युथ कोर्डिनेटर तोक्ने योजना सुनाए ।
यसैगरी प्रवासी नेपालीका बच्चालाई समरमा एक महिनाको विदा कार्यक्रम बनाएर नेपाल पठाउने उनले सुनाए । यसमा एक हप्ता बाबुआमासँग, एक हप्ता मन्दिर, एक हप्ता आफ्नो विज्ञता भएको काम र एक हप्ता फ्रि छोडिदिने गरी कार्यक्रम बनाइने उनले सुनाए ।
अर्को दोस्रो पुस्ता जोड्ने स्पोर्टस पनि भएको उनले बताए । ुएनआरएनए लिग सबै देशमा गराउन सकियो भने यहाँको राष्ट्रिय लिगमा सहभागी गराउने बाटो खुल्छ । नागरिकताको व्यवस्था भयो भने कार्यस्थल देशबाट राष्ट्रिय टिममा सहभागी हुनसक्छ,ु उनले भने ।
शर्माले दोस्रो पुस्तालाई एनआरएनएले नेपाली भाषा पढाउन डिजिटल कोर्स बनाउने योजना उनले सुनाए । यी विविध विषयहरुमा मार्फत दोस्रो पुस्ता जोड्ने उनको भनाइ छ ।
शर्माले म्यानमारमा पाँचौ पुस्तासम्म दुरुस्तै भाषा संस्कृति पुस्तान्तरण भएको तर युरोपियन देशमा त्यसो गर्न नसकिएको भन्दै विविध किसिमले सकेसम्म नेपाल चिनाउन लागिरहेको बताए ।
नेपाल सरकारले विदेशमा पढेका नेपाली युवाहरुलाई फर्काउनेगरी सोच्नुपर्ने पनि बताए ।
प्रतिक्रिया