काठमाडौं। सत्तारुढ गठबन्धनमा उपराष्ट्रपतिको उम्मेदवारका बारेमा सहमति हुन नसक्दा तीनवटा उम्मेदवारी दर्ता हुने भएको छ ।
वालुवाटारस्थित प्रधानमन्त्री निवासमा बसेको सत्तारुढ गठबन्धनको बैठकले दुईवटा पार्टीको उम्मेदवारको नाम दर्ता गर्ने निर्णय भएको हो ।
‘अहिलेलाई जनता समाजवादी पार्टी र जनमत पार्टीका उम्मेदवारको नाम दर्ता गर्ने र त्यसैमा पछि ती दुवै मध्य एक नाममा सहमति खोजेर जाने निर्णय भएको छ,’ बैठकमा सहभागि आम आदमी पार्टीका अध्यक्ष प्रभु साहले भने ।
जसपाले महिला र पुरुष दुवै उम्मेदवार उठाउने भएको छ । पुरुषतर्फ जसपाका रामसहाय यादवको नाम पहिल्यै निश्चित भैसकेको छ भने महिला उम्मेदवार पनि जसपाले चयन गर्नेछ । निर्वाचन आयोगले पुरुष उम्मेदवार अस्वीकार गरेमा महिला उम्मेदवारलाई आधिकारिक बनाउने योजना जसपाको रहेको छ । यस्तै, जनमत पार्टीकी ममता झाको उम्मेदवारी पनि दर्ता हुने भएको छ।
निर्वाचन आयोगले रामसहायको उम्मेदवारी दर्ता गर्न अस्वीकार गरेमा जसपाले अर्को नामको उम्मेदवारी दर्ता गर्ने गरी बैठक सकिएको छ।
प्रतिक्रिया