बुटवल । नागरिकका अवौं रकम अवचलन गरेपछि बन्द रहेको शिवशिखर बहुउद्देश्यीय सहकारी सहकारी संस्थाको बुटवल स्थित कार्यालय, गार्डेन मार्ट डिपार्टमेन्ट स्टोर र खाद्यान्नको डिलर रहेको भवन प्रहरी परिचालन गरेर खाली गराउन थालिएको छ ।
जनताको अवौं रकम अवचलन गरि फरार रहेका शिवशिखर सहकारीका संचालक दम्पत्ती पक्राउ परेसँगै सो सहकारीका देशैभरका कार्यालय र पसलहरु बन्द रहेका थिए । अध्यक्ष केदारनाथ शर्मालाई सीआईबीले भारतको मुम्बईबाट पक्राउ गरेर ल्याएको छ भने त्यस अघि नै उनकी श्रीमती गीता शर्मा सिआइबी हिरासतमा छिन् ।
बुटवल उपमहानगरपालिका–१० स्थित योगीकुटीमा रहेको डिपार्टमेन्टल स्टोर घरधनी इश्वर मल्लको निवेदनका आधारमा खाली गराउन थालिएको बताइएको छ । घरधनीले दिएको सूचनामा घर खाली नभएपछि प्रक्रियागतरुपमा प्रशासनको सहयोगमा खाली गराउन लागिएको घर धनी मल्लले बताएका छन् ।
२०६९ साल असोज २८ गते सहकारी विभागबाट दर्ता प्रमाणपत्र पाएको शिव शिखर ०७८ साउनमा बुटवल आएको थियो ।शिवशिखरले सहकारीसँगै ‘गार्डेनमार्ट डिपार्टमेन्टल स्टोर्स’ सहित खाद्यान्हको अधिकृत बिक्रेताको रुपमा सप्लाई पनि गर्दै आएको थियो ।
प्रतिक्रिया