भन्सार पार गरि नेपाल भित्रिएको ३ लाख बढीको मोबाइल भैरहवाबाट बरामद

बुटवल । रुपन्देही स्थित भैरहवा भन्सारमा १ सय रुपैयाँ भन्दा बढीको सामानमा भन्सार असुल गर्न कडाई गरिँदा भन्सार गेट पार गरेर भैरहवा पुगेको ३ लाख बढी मुल्यको मोबाइल बरामद गरिएको छ । मा अबैध रुपमा भन्सार छली लुकाई छिपाई भैरहवा मु¥याइएको ३ लाख भन्दा बढी मूल्यको मोबाइल प्रहरीले बरामद गरेको हो ।

सिद्धार्थनगर नगरपालिका–१३ भैरहवाका ४० वर्षीय विशाल जैसवालको घरबाट भन्सार छलेर नेपाल भित्राइएको विभिन्न कम्पनीका मोबाइल बरामद गरिएको जिल्ला प्रहरी कार्यालय रुपन्देहीका प्रहरी प्रवक्ता डीएसपी श्यामु अर्यालले जानकारी दिए । जैसवाल निवासबाट प्रहरीले स्क्रिनटच मोबाइल थान–३६ पिस, विभिन्न कम्पनीको सादा मोबाइल थान–१० पिस र पावर वैँक थान–६ पिस बरामद गरिएको डीएसपी अर्यालले बताए ।

बजार मुल्य अनुसार बरामद भएका मोबाइलको बजार मूल्य ३ लाख ३२ हजार रहेको प्रहरीले दाबी गरेको छ । वरामद मोवाईलहरु र पक्राउ परेका जैसवाललाई आवश्यक कारवाहीको लागी भैरहवा भन्सार कार्यालय बेलहिया पठाइएको प्रहरीले जनाएको छ ।