काठमाडौं । प्रधानमन्त्री पुष्पकमल दाहाल प्रचण्डले बोलाएको संसदमा रहेका दलहरुको बैठकलाई राष्ट्रिय स्वतन्त्र पार्टीले बहिस्कार गरेको छ ।
चाडपर्वहरुको मुखमा आम उपभोक्ताहरुलाई मार पर्ने गरी सरकारले गरेको मुल्यवृद्धि गरेको आरोप लगाउँदै रास्वपाले बैठक बहिस्कार गरेको हो ।
प्रधानमन्त्री प्रचण्डले सुन तस्करी प्रकरणबारे जाँचबुझ आयोग गठनकासम्बन्धमा छलफल गर्न संसदमा रहेका दलहरुको बैठक बोलाएका छन् । रास्वपाले विरोधस्वरुप सोही बैठक बहिस्कार गर्न लागेको जानकारी सो पार्टीका सभापति रवि लामिछानेले जनाएका छन् ।
लामिछानेले सामाजिक सञ्जालमा लेख्दै विरोधका थप कार्यक्रमबारे जानकारी दिने उल्लेख गरेका छन् ।
सरकारको पूर्ण स्वामित्व रहेको नेपाल आयल निगमले हिजो पेट्रोलियम पदार्थको चर्को मूल्यवृद्धि गरेको थियो ।
चाड पर्वहरुको मुखमा आम उपभोक्ताहरुलाई मार पर्ने गरि सरकारले गरेको मुल्यवृद्दि प्रती हाम्रो गम्भीर आपत्ति छ। यसको विरोध स्वरूप आज प्रधानमन्त्री ज्युले बोलाउनु भएको बैठक हामीले बहिस्कार गरेका छौ। थप कार्यक्रम बारे जानकारी दिनेछौं।
— Rabi Lamichhane (@hamrorabi) October 1, 2023
प्रतिक्रिया