काठमाडौं । विजया दशमी (टीका)को दिन सशस्त्र प्रहरीले काठमाडौं उपत्यकामा निःशुल्क बस सेवा संचालन गर्ने भएको छ ।
दशैंको टीका ग्रहण गर्न आवातजावत गर्ने सर्बसाधारणलाई सहजताका प्रदान गर्न भन्दै उपत्यकाका दुई वटा रुटमा निःशुल्क बस सेवा दिइने सशस्त्र प्रहरीले जनाएको छ ।
काठमाडौं उपत्यकाका दुई वटा रुटमा बिहान साढे ८ बजे र अपराह्न ४ बजे गरी दुई चरणमा निःशुल्क बस सञ्चालन हुनेछन् ।
बा १ ग २५९१ नम्बरको बसले नेपाल प्रहरी प्रधान कार्यालय नक्शालबाट बालुवाटार, शिक्षण अस्पताल, महाराजगञ्ज, नयाँ बसपार्क, बालाजु, स्वयम्भु, कलंकी, बल्खु, सातदोबाटो, लगनखेल, जावलाखेल, थापाथली, माईतीघर, पुतलिसडक, कृष्णपाउरोटी, जय नेपाल हुदै पुनःनक्शालसम्म निःशुल्क सेवा दिनेछ ।
सशस्त्रकै अर्को बा १ ग २६०८ नम्बरको बसले, नेपाल प्रहरी प्रधान कार्यालय नक्शालबाट रातोपुल, गौशाला, एअरपोर्ट, कोटेश्वर, नयाँ ठिमी, सल्लाघारी, सूर्यबिनायक चोकबाट सोही रुट फिर्ता भएर कोटेश्वर, गौशाला, चाबहिल, सुकेधारा, महाराजगञ्ज, शिक्षण अस्पताल, बालुवाटार हुँदै पुनः नक्शालसम्म निःशुल्क सेवा सञ्चालन हुने छ ।
प्रतिक्रिया