काठमाडौं । नेपाली कांग्रेस केन्द्रीय कार्यसमिति र पार्टीको संसदीय दलको संयुक्त बैठक आज बस्ने भएको छ । प्रमुख प्रतिपक्ष दल कांग्रेसले आज बुधबार बिहान ११ बजे बैठक डाकेको हो ।
पार्टी केन्द्रीय कार्यालय सानेपामा बस्ने बैठकमा समसामयिक राजनीतिक विषयमा छलफल हुने पार्टीका मुख्यसचिव कृष्णप्रसाद पौडेलले जानकारी दिए ।
कांग्रेसले सहकारीको रकम हिनामिनाको आरोप लागेका उपप्रधानमन्त्री एवं गृहमन्त्री रवि लामिछानेलगायत हिनामिनामा संलग्न अन्यलाई संसदीय छानबिन समिति गठन गरेर कारबाही गर्नुपर्ने मागका साथ संसद् बैठक अवरुद्ध गर्दै आएको छ ।
यसका साथै लामिछानेले प्रतिशोधका आधारमा कान्तिपुरका अध्यक्ष कैलाश सिरोहियालाई गिरफ्तार गरेको विषयमा पनि बैठकमा कुरा उठ्ने बताइएको छ ।
प्रतिक्रिया