बालेनको एक्सन- भौतिक पूर्वाधारमन्त्री महासेठलाई हरेक दिन एक ट्रक धुलो उपहार !

काठमाडौं । काठमाडौँ महानगरका मेयर बालेन्द्र शाह (बालेन) ले भौतिक पूर्वाधार तथा यातायात मन्त्री रघुवीर महासेठलाई हरेक दिन एक ट्रक धुलो पठाउने घोषणा गरेका छन् ।

बालेनले शनिबार सामाजिक संजालमा एक पोष्ट गर्दै काठमाडौँको कलंकीदेखि महाराजगन्जसम्म रिङरोडको सडक निर्माण अलपत्र पारेको भन्दै सढक निर्माण नथालेसम्म हरेक दिन एक ट्रक फोहर पठाउने घोषणा गरेका हुन् ।

उनले महानगरले अनाहकमा गाली खाएको उल्लेख गरेका छन् । महानगर प्रमुख शाहले मन्त्री महासेठलाई हरेक दिन एक ट्रक धुलो उपहारकारुपमा पठाउने जनाउँदै सञ्जालमा आज सडक बिभाग अगाडी एक ट्रक धुलो राखिदिएको भिडियो समेत पोष्ट गरेका छन् ।

उनले विगत १५ बर्षदेखि काठमाडौको जनताले कलंकीदेखि महाराजगन्जसम्म रिङरोड विस्तारको नाममा धेरै धुलो र कष्ट बेहोर्नु परेको उल्लेख गर्दै काठमाडौमा हुने आधा भन्दा बढि प्रदुषणमा त्यहाँ कै धुलोको हात रहेको जनाएका छन् । सोही सडकका कारण महानगरवासीले धुलोधुँवा खानु परेको र बाटो प्रयोग गर्नुपर्नेहरूले सवारी साधन मर्मतमा खर्च बढि गर्नु परेको छ तथा पुग्न अबेला भोग्नु परेको बताएका छन् ।