बुटवल । पूर्वपश्चिम राजमार्ग अन्तर्गत दाउन्नेमा ट्रकमा आगजनी भएको छ । पश्चिम नवलपरासीको बर्दघाट नगरपालिका-४ दाउन्नेको उकालोनेर भुस बोकेको लु २ ख ५१३७ नम्बरको ट्रकमा आगलागी भएको हो ।
जिल्ला प्रहरी कार्यालय पश्चिम नवलपरासीका अनुसार भैरहवाबाट कुरिन्टार चितवनको लागि जाँदै ट्रकमा जंगलमा आगजनी भएको हो । गाडीको इन्जिन तात्न गई अचानक ट्रकको अगाडिको भागबाट आगो सल्कँदा ट्रकको भुससमेतमा आगजनी भएको हो ।
आगजनीबाट ट्रक पूर्ण रूपमा क्षति भएको छ । बर्दघाट नगरपालिकाको दमकल, प्रहरी र स्थानीय मिलेर आगो नियन्त्रणमा लिइएको छ ।
प्रतिक्रिया