पोखराले काठमान्डुलाई दियो १३९ रनको लक्ष्य

काठमाडौं । नेपाल प्रिमियर लिग (एनपीएल) मा आज भएको पहिलो खेलमा पोखरा एभेन्जर्सले काठमान्डु गुर्खाजलाई १३९ रनको लक्ष्य दिएको छ ।

टस हारेर पहिले ब्याटिङ गरेको पोखराले निर्धारित २० ओभरमा ८ विकेट गुमाएर १३८ रन बनायो । पोखराका लागि मध्यक्रमका ब्याट्सम्यान रेमोन रेइफरले अविजित ३० बलमा ४१ रन बनाए । उनले १ चौका र ३ छक्का प्रहार गरे । ओपनर दिनेश खरेलले २५ बल खेल्दै ६ चौका र १ छक्का मदतमा ३८ रन बनाए ।

काठमान्डुका लागि रासिद खान र करण केसीले समान ३ विकेट झारे। यसैगरी जेहार्ड इरासमस र माइकल लेविटले एक एक विकेट लिए।

शिर्ष ४ मा पुग्नका लागि पोखरा र काठमाडौंलाई आजको खेल जित्नैपर्ने दबाब छ ।