काठमाडौं । नेपाल प्रिमियर लिग (एनपिएल)अन्तर्गत आज भएको खेलमा काठमान्डु गुर्खाजले विराटनगर किंग्सलाई एक विकेटले हराएको छ।
विराटनगरले दिएको ११८ रनको लक्ष्यका साथ मैदानमा उत्रिएको काठमान्डुले १८.१ ओभरमा १२० रन बनायो। काठमाडौंका लागि प्रतिक श्रेष्ठले सर्वाधिक ३९ रन बनाए । यस्तै, रसिद खानले १४, जेरार्ड एरासमस १२, माइकल लेभिटले १० रन जोडे ।
विराटनगरका लागि कप्तान सन्दीप लामिछनेले तीन विकेट लिए । यस्तै, अनिल खरेल, बसिर अहमद र क्रिश सोल समान दुई÷दुई विकेट लिए।
टस हारेर ब्याटिङमा उत्रिएको विराटनगरले एक बल बाँकी छँदै सबै विकेट गुमाएर ११७ रन बनाएको थियो ।
प्रतिक्रिया