काठमाडौँ । राष्ट्रियसभा सदस्य भगवती न्यौपाने सङ्घीय मामिला तथा सामान्य प्रशासनमन्त्रीमा नियुक्त भएकी छन् ।
प्रधानमन्त्री केपी शर्मा ओलीको सिफारिसमा आज राष्ट्रपति रामचन्द्र पौडेलले न्यौपानेलाई मन्त्री पदमा नियुक्त गरेका हुन् । यसअघि मन्त्री राजकुमार गुप्ताले आज राजिनामा दिएपछि रिक्त पदमा उनलाई नियुक्त गरिएको हो ।
नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा सांसद न्यौपानेलाई राष्ट्रपति पौडेलबाट मन्त्री पदमा नियुक्त गरिएको राष्ट्रपतिको कार्यालयले जनाएको छ ।
एमालेकाे तर्फबाट राष्ट्रिय सभामा प्रमुख सचेतक न्याैपानेकाे कार्यकाल आउँदाे फागुनसम्म रहेकाे छ ।
प्रतिक्रिया