काठमाडौं । नेकपा (माओवादी केन्द्र)का सांसद शक्तिबहादुर बस्नेतले सत्तारुढ दलहरू दुई दलीय व्यवस्थाको दिशातर्फ अघि बढिरहेको आरोप लगाएका छन्।
प्रतिनिधिसभाको बुधबारको बैठकमा उनले नेपालको सामाजिक, सांस्कृतिक र आर्थिक विविधतामा दुई दलीय प्रणाली कुनै पनि हालतमा उपयुक्त नहुने प्रष्ट पारे।
उनको भनाइमा, “दुई दलीय अभ्यास अन्ततः एकदलीय व्यवस्थाको ढोका खोल्ने हो। यस्तो मिसन जनताले पूरा हुन कहिल्यै दिन्ने छैनन्।”
बस्नेतले उपसभामुख इन्दिरा राना मगरलाई हटाउने प्रयास सामाजिक न्याय र समावेशीताको भावनाविपरीत रहेको भन्दै सरकारले यसतर्फ गम्भीर ध्यान दिनुपर्ने आग्रह पनि गरे।
प्रतिक्रिया