काठमाडौं । नेकपा एमालेले फागुन २१ गते हुने निर्वाचनलाई लक्षित गर्दै अध्यक्ष केपी शर्मा ओलीको संयोजकत्वमा घोषणापत्र मस्यौदा समिति गठन गरेको छ।
मंगलबार बसेको एमाले सचिवालय बैठकले घोषणापत्र मस्यौदा समिति निर्माण गर्ने निर्णय गरेको हो। उपमहासचिव लेखराज भट्टका अनुसार मस्यौदा समितिमा नेताहरू रामबहादुर थापा, विष्णु पौडेल, शंकर पोखरेल, ईश्वर पोखरेल, प्रदीप ज्ञवाली र विष्णु रिमाल सदस्य रहेका छन्।
त्यसैगरी बैठकले उपाध्यक्ष रामबहादुर थापाको संयोजकत्वमा निर्वाचन परिचालन समिति पनि गठन गरेको छ। उक्त समितिमा विष्णु रिमाल, छविलाल विश्वकर्मा, राजन भट्टराई, हिक्मत कार्की, रमेश बडाल र भिस्म अधिकारी सदस्य रहेका छन्।
यस्तै, सचिवालय बैठकले प्रदेश तथा निर्वाचन संयोजकहरू पनि तोकेको छ। प्रदेश र निर्वाचन दुवैको समन्वय गर्ने गरी जिम्मेवारी दिइएको उपमहासचिव भट्टले जानकारी दिए। जसअनुसार कोशीमा शेरधन राई, मधेशमा लीलानाथ श्रेष्ठ, बागमतीमा महेश बस्नेत, काठमाडौं उपत्यका (राजधानी)मा डा. राजन भट्टराई, गण्डकीमा खगराज अधिकारी, कर्णालीमा यामलाल कँडेल र सुदूरपश्चिममा गणेश ठगुन्ना रहेका छन् । संगठन विभागको नेतृत्व भानुभक्त ढकाललाई दिइएको छ ।
प्रतिक्रिया